1 | |
HStAOrient5a: 61v eyidürler: Mādām‑ki āb maḥall‑i necāsetde mütereddiddür neces // olmaz munfaṣıl olmayınca. Ḥāṣıl‑i kelām Şāfiʿī ḥālet‑i // mülāqātuñ evvelin iʿtibār ėder Ḥanefī āḫirin iʿtibār ėder. [Mesʾele:] // Zeyd ʿAmra emr ėdüb ikrāh ile Bekri qatl ėtdürse // ʿAmra qıṣāṣ lāzım gelür mi gelmez mi? [Cevāb] İmām Şāfiʿī // qatında qıṣāṣ olınur İmām-i Aʿẓam qatında [qıṣāṣ] olınmaz. [Delīl:] Ebū // Ḥanīfe raḥimehu llāh eyidür ki qātil fī l‑ḥaqīqa mükreh‑i qatl olınur ki // mükreh‑i qatl maḥmūldür ālet‑i qatldür. Meselā şimşīr mes̱ābesindedür. Fiʿl // ḫod ḥāmilüñdür maḥmūlüñ degüldür. Zīrā gendü iḫtiyārında qalsa //qatl ėtmezdi. [Pes] bi‑l‑icmāʿ qıṣāṣ mükrih‑i emr üzerine vācibdür. // Bu qavl iʿtirāż ėdüb eyidürler ki vuqūʿ‑i qatl ḥaqīqatde // mükrehden müşāheddür ve daʿvā‑yi ālet bāṭıldur zīrā ālet // cāmiddür cāmid içün iḫtiyār mefqūddür. Ammā mükreh muḫtār // olduġına delīl‑i ṣavāb budur ki mükreh āḫiretde müstevcib‑i // ʿıqāb olur. Eger muḫtār olmasa ʿıqāb olınmazdı. // Bu taqdīrce mükrih‑i emre vücūb‑i qıṣāṣ mübāşir‑i qatl // olduġı‑çün degüldür belki müsebbib‑i qatl olduġı‑çündür. Nite‑kim // bir kimse ṭarīq‑i vāsiʿde çāh qazub ol çāha bir yayan düşse // ḥükm‑i müsebbib ile ḥāfir‑i biʾre żımān vācib olur. |